گرنگ

گومرگ و دەزگای دەرمانی سویدی لە چەند پشکنینێک لە سەر سنوورەکانی سوید چەندین جار دەستییان گرتووە بەسەر فیللەری ساختە. بەڵئم نازاندرێ رادەی بڵاوی ئەو فیللەرانە لە بازاڕەکانی سوید چەندە. بەگوێرەی دەزگای دەرمانی سویدی ئەو فیللەرانە لە ئینتەرنێت دەفرۆشرێن بەڵام لە زۆر نۆرینگە و بنکەی چوانکاریش دۆزراینەوە. ئەو جۆرە فیللەرانە دەبنە هۆی کوولی، زێدەهەستی و هەروەها گرێ دروست دەکەن. بۆیە دەزگاکە هۆشداری دەدات بۆ پزیشک و کارمەند وبنکەکەانی جوانکاری کە زۆر ووریا بن لە کاتی کڕینی فیللەر و داواش لە هەوڵاتییان دەکات کە بەگومان بن ئەگەر کەسێک فیللەر زۆر بەهەرزان بفرۆشێ.

کۆمپانیای نیورالینک کە ئێلۆن مەسک خاوەنداری سەرەکییەتی لە مانگی یەکی ئەو ساڵ (٢٠٢٤) رایگەیاند کە یەکەم چێندراوییان لە مێشکی مرۆڤ تاقیکردۆتەوە. ئەوەش پاش ئەوەی لە مانگی پێنجی ٢٠٢٣ چێندراوەکە لە لایەن دەزگای دەرمانی ئەمەریکی پەسند کرا. کرداری چاندنەکە بە سەرکەتووی ئەنجامدرا و نەخۆشەکە تەندروستی باشە. ئامانج لەو نەشتەرگەرییە سەلامەتی چێندراوەکەیە لە سەر مێشکی مرۆڤ. ئامانجی چاندنەکە ئەوەیە کە مرۆڤەکان بتوانن تەختەکلیل و مشکی کۆمپیتەر بەکاربێنن تەنها بە بیرکردنەوە. کۆمپانیاکە دەیەوێت لە رێگەی ئەو چێندراوە یارمەتی نەخۆشە ئیفلیجەکان بدات کە بتوانن بجوڵێنەوە. چێندراوەکە وەک پارەیەکی ئاسن وایە بە هۆی رۆبۆتەوە لە مێشکی نەخۆشەکە گیردەکرێ. لە چێندراوەکە ٦٤ دانە ئەلکترۆد مووشێوە دەدرەچن بۆ سەر توێکلی مێشکەوە.

یەکەم نەشتەرگەری گواستنەوەی و چاندنی چاوێکی تەواو لەلایەن چەند نەشتەرکارێک لە نیۆیۆرک ئەنجام درا. نەشتەرگەریەکە بە رووداوێکی گەورەی پزیشکی دادەندرێ بەڵام هێشتا روون نییە کە نەخۆشەکە دەتوانی بەو چاوە ببینێت. نەشتەرگەریەکە بریتی بوو لە گواستنەوەی بەشێکی دەموچاو و چاوی چەپەی پێدەرەکە بۆ نەخۆشێک کە چاوی چەپ و بەشێکی دەموچاوی لە رووداوێک لە ٢٠٢١ لە دەست دابوو. پێشتر توێژەرەوەکان سەرکەوتوو بوو بوون لە گواستنەوەی چاوێکی تەواو لە مشک و مشکەکە هەندێک بینیایی بۆ گەڕابۆوە بەڵام هەرگیز پێشتر ئەو جۆرە نەشتەرگەریە بۆ مرۆڤ ئەنجام نەدرا بوو. نەشتەرگەریەکە لە مانگی پێنجی ئەو ساڵ ئەنجام درا چاوەکە خوێنی باش بۆ دەچێ و پەستانی ناو چاوەکەش ئاساییە بەڵام تا ئێستا نەخۆشەکە بینایی بۆ نەگەڕاوەتەوە.